BE.189 Logu no.19
O JESUS NA PANGOLU AU

Ayat 1
O Jesus na pangolu au Anak ni Debata
Asi rohaM sai togu au Sahat tu Debata.

Ayat 2
Tutu rohangku sonang do Marningot basaMi
Ai hangoluanki do Ho Di hamamateMi

Ayat 3
Ia tarsolsol bagi au Dibahen dosangki
Diapul mudarMi do au Di na huingot i.

Ayat 4
Dibuat Ho do arsakki Pahehe rohangkon
Na sonang au binahen ni Di hapogosonkon

Ayat 5
On pe hubonom rohangki Tongtong tu rohaMi
Sabam ma au bahenon ni Mangolu tondingki

Ayat 6
Sai huhaposi hataMi Ai na sintong do i
Huingot bagabagaMi Na so ubaon i.

Ayat 7
O Jesus alealengki RohaM nama di au
Ai Ho do hangoluanki Nang di na mate au.

Ayat 8
Dihalungunhon rohangki Naeng ingananMu au
Antong urasi tondingki Parbadiai ma au.
